Bijak Baca Berita

  • Whatsapp
singkapi berita hoax
Foto: Doc Pri

Deungon bismillah lôn surah rawi

Berita lôn bri keu ibu bapak,

Bacaan Lainnya

Suai tabaca berita lam neugri

Beugot teuliti seureuta bijak,

Miseue tabaca saboh informasi

Kalon beupasti peunyo peu buhak,

Pat asal usul buet nyang terjadi

Beucukôp bukti wahé e bapak,

Kadang berita haba di bagi

Info teumaki berita HOAK,

Han meupat sumber di uber caci

Peue lom Informasi berita lagak,

Sang sang that beutoi bé dhoi di bagi

Info nyang dibi di tanyoe galak,

Hana ta teupeue tabeue ngon simpi

Hana terjadi berita di peujak,

Peue lom jameun nyoe paloe han sakri

Jameun tehnologi mudah hé bapak,

Melalui medsos gadoh famili

Haba teumaki deungon teumeunak,

Menyo geutanyoe hana teliti

Baca informasi cit hana bijak,

Roh saboh saat meuhat gob taki

Karna tan meuri beutoi ngon rusak,

Yôh goh meupaloe rugoe terjadi

Teurimöng informasi kadeukadeungonngon bijak,

Beuna ta saréng tangieng teliti

Bèk beurangkakri e ayah ngon mak,

Bèk oh na berita haba gob bagi

Di sher bak FB keu galak galak,

Kirém rot wa Instagram lagi

Ka tanyoe bagi keu ibu bapak,

Goh teuntèe beuna na nyan terjadi

Goh teuntèe pasti kadang cit HOAK,

Kadang propaganda haba cemaci

Cit hana pasti haba nyan buhak,

Oleh karnanyan rakan famili

Muda dan muti ibu dan bapak,

Bijak membaca berita terjadi

Nyo hana pasti keupeu tasimak,

Beu muphôm tanyoe nyoe informasi

Arif teliti baca beubijak,

Bèk jeut teulanjô ancô pribadi

Salah informasi negara rusak,

Reuloh ukhuwah pecah silaturahmi

Hancô Islami nanggroe phak luyak,

Wab sikrék haba ka tanyoe bagi

Nyang jeunèh keuji ka tanyoe galak,

Meunyo tapatéh nyang paléh gob bi

Peue lom jak bagi dumho tasawak,

Tanyoe medésya raya that sangsi

Dudoe Allah bi azeub meucak cak,

Karna ancô gob tawot tan pasti

Peue lom ék saksi takheun nyo bijak,

Padahai info le intimidasi

Fitnah caci deungon buet rusak,

Hancô ubé na rasa ka iri

Karna informasi ata nyang buhak,

Yôh goh teulanjô ta undô gaki

Berita teliti neubaca hé bapak,

Deungon geutanyoe jeut sagoe peuduli

Tentang informasi baca ngon bijak,

Kana niet nyang jroh satoh negeri,

Saling peduli taceugah HOAK,

Semoga aman nyan lam negeri

Jroh informasi ureung han palak,

Beuna ngon salah kasah tatukri,

Ukhuwah negeri cukôp that lagak,

Nyoe saboh haba Kanal Inspirasi

Di dalam seni haba meusajak,

Sebagoe bentuk untuk peduli

Budaya negri peureulèe tatambak,

Beuna berita ba informasi

Melalui seni haba padum krak,

Pendekatan budaya bina generasi

Seni tradisi beutanyoe galak,

 

Blang Bintang  1 Maret 2019

Cek Medya Hus,

Pos terkait