HABA KEU DEWAN BARÔ

  • Whatsapp
syair dalam berita

Oleh Cek Medya Hus

Alhamdulillah Allah hurahman

Bacaan Lainnya

Tapujoe Tuhan lé tanyoe umat

Nibak uroe nyoe sampoe tujuan

Ubéna dewan geulantik leugat

 

Lapan ploh sa droe, inöng ngon agam

Kajeut keu dewan dpra  meuhat

Ubé na peureuté saré trôh keunan

Pihak ke amanan di jaga ketat

 

Plt gubernur dengon jajaran

Kip lom oh lheuh nyan bawaslu meuhat

Forkopinda seureuta sajan

Pendukung lheuh nyan seureuta rakyat

 

Acara sukses  bèrèh hana ban

Pelantikan dewan cit aman meuhat

Tanyoe meulakèe teuntèe bak dewan

Bak na perobahan ke pada rakayat

 

Bapak ngon ibuk nyang ka duek dewan

Ka resmi neuh nyan ke waki rakyat

Beuna neupiké wahé e dewan

Droe neuh ék keunan dengan su rakyat

 

 

 

Katrôk ban janji raseuki neuh nyan

Ka neuduek inan leupah that mangat

Gaji meujuta na lom tunjangan

Pèng le disinan gaji trôh bak hat

 

Sep fasilitah tamah lon jajan

Trôk bak pèng jalan ho jak mangat

Meunyo ka sakét cirét ngon meuran

Han suah dewan ban na pèng meu ubat

 

Jak keunoe keudéh piléh kendraan

Studi banding meujan trôh Jawa barat

Droeneuh ka mudah tamah pujaan

Dari dukungan nyang peuék meuhat

 

Tapi na bacut beujeut ingatan

Dalam tiep tiep jan keu pada rakyat

Piké amanah bèk salah jalan

Oh jeut keu  dewan bèk gadoh ingat

 

Peue ta meujanji bèk ungki sinan

Oh na jabatan meubèk seu u that

Beuna tapiké wahé e dewan

Bèk cok senangan ateueh su rakyat

 

Visi ngon misi janji saboh jan

Watèe tapadan piléh bak rakyat

Peue nyang ka neukheun mandum habanyan

Janji hai rakan wajéb taingat

 

 

Kareuna di préh sahéh janji nyan

Peue na deungon tan bak dewan meuhat

Meunyo neupubuet bah bacut jalan

Na keuh janjinyan trôh nibak rakyat

 

Peue na lagèe na banja neuh saban

Oh neuduek dewan trôh heut ngon hajat

Peue neumeujanji neu ungki pihtan

Jeut keu panutan bak kamoe rakyat

 

Tapi nyo janji meu ungki neuh nyan

Teuntèe keu dewan di teuka luat

Teuntèe di benci keu bapak dewan

Karna buet sinan hana pro rakyat

 

Bèk neukheun sapeue di dajeue neuh nyan

Kadang cit keunan droe di jak hujat

Di unjuk rasa keugata dewan

Kareuna neuh nyan keurija tan teupat

 

Bacut neupiké wahé e dewan

Lheuh pelantikan keurija  kabrat

Kon duek duek mantong nongkrong di sinan

Beuna pikéran keu pada rakyat

 

Èt noe keuh bacut jeu eut karangan

Keubapak dewan ngon ibu meuhat

Semoga amanah bèk salah jalan

Limöng thôn sinan beu makmu rakyat,

Pos terkait