Syair Aceh – Haji

  • Whatsapp
syair dalam berita
Masjidil Haram. Foto: Ist

Alhamdulillah Allah tapuji

Nyang Maha suci Maha Kuasa

Bacaan Lainnya

Nyoe katrôh masa ka buleuen haji

Umat Islami haté gembira,

 

Nyang na kuasa hareuta geubi

Tunaikan haji rukôn kelima,

Cit ka trôh bak jan panggilan haji

Utanöh suci nyang that mulia,

 

Peue lom nyang ladôm kawôm Islami

Cit katrép antri sabé lam saba

Trép that geutrôh pèng bak bank ka antri,

Malam dan hari sabé meudô’a

 

Kalheuh manasik meurunoe dumkri,

Dum rukôn haji kalheuh belaja

jinoe katrôh hat meuhat ka resmi

Katrôh ban janji tercapai cita,

 

Kloter pertama ka trôh hai akhi

Utanöh suci Mekkah mulia,

Kloter yang laén mungkén singöh hi,

Utanöh suci beurangkat sigra

 

Tanyoe meudô’a sigra bak Rabbi

Nyang jak uhaji sihat anggota

Beusihat tubôh beutrôh buet haji

Tawaf ngon Sa’i, beuék keurija,

 

Beutrôh keuh geujak bak kubu Nabi,

Bak teumpat suci beutrôh geuteuka

Sunat ngon rukôn mandum jalani

Di tanöh suci bèk sapeue mara,

 

Beuék samporna dum rukôn Haji

Bèk keuh na seu i jama’ah dumna

Neuqabul dô’a malam dan hari

Seuleusoe haji mandum mabbrura,

 

Kamoe yang tingai akai bèk seu i,

Beutrôh uhaji e Ya Rabbana

Cita kamoe Jak utanöh suci

Beumudah razki neubi keu hamba,

 

Meunan cit rakan yang mantong antri

Beusihat neubi eya Rabbana

Beumeuteumèe Jak utanöh suci

Kakbah nyang suci beuteumèe lingka,

 

Nyoe keuh bak kamoe di Nanggroe serambi,

Keujama’ah haji meumohon dô’a,

Beutrôh keuh neujak hai pak ngon umi,

Beutrôh kembali bak keluarga,

 

Kepada jama’ah teubuka hati

Oh trôh uhaji geutém meudô’a

Keunanggroe Acèh beusahèh neubi

Islam suci semoga jaya,

 

Nanggroe beuaman peukan ngon pasi

Umat Islami hudép sijahtra

Ureung nyang brôk brôk peutunyok neubi,

Bak buet nyang suci beuta’at dumna,

 

Cek Medya Hus

Lambarô Kafé 21- 7 – 2019

Pos terkait