Syair Aceh: Hana Tatukre

  • Whatsapp
syair dalam berita

Ujeuen keunong sa ka rubah padé

Ie dum kapé dalam blang raya

Bacaan Lainnya

Berita tabaca gura bukon lé

Masalah PLT di acèh raya,

Kadang ék bingöng tadong tapiké

Han ta tu’öh lé meuputie puta

Lagèe MAA gura bukon lé

Mubes kahasé padum buleun ka

Ketua teupiléh meucéh ka ok

Seuleusoe hasé ngon bijak sana

Tapi oh dudoe paloe bukon lé

Buet nyang ka hasé geuteken Hana,

Olèh gubernur selaku PLT

Mubes ka hasé hana geukira,

Han geutem kukuh bah kalheuh hasé.

Mubes ka geukheun kré cacat geukira

Padahai yôh phôn ampôn ka ok

Ucap dum saré selamat MAA

Leh paki dudoe paloe bak akhé

Ka geu PLT keutua MAA

Bit hana muphôm dilôn tan tukré

Mubes ka hasé geulantik hana

lèh pakridudoe buet nyoe nyang hasé,

Han abéh piké nyo ka meuputa,

Tanyoe taharap meuhat beuhasé

Adat bèk reulé di acèh raya

Harus beubijak di pak PLT

Wajéb geupiké maruwah bangsa,

Acèh Meu Adab, hibat bukon lé

Nyo hana adé panè na gura

Miseue na cupa gasa ngon ganjé

Ta taksé taksé peue rugoe laba,

Kayèe bèk patah uleue beumaté

Buet beuhasé tanyoe bèk cupa

Acèh meuadab meuhat gléh haté

Han tupèh haté ngon ureueng Tuha,

Blang Bintang 26 Februari 2019

Cek Medya Hus

Pos terkait