Syair Aceh – HUT Ke-74 Republik Indonesia

  • Whatsapp
syair dalam berita
Peringatan HUT Ke-74 Republik Indonesia di Lapangan Blang Padang, Kota Banda Aceh, Sabtu (17/8) pagi. Foto : Humas Setda Aceh

Alhamdulillah Allah Hirahman

Tapujoe Tuhan nyang Maha Kuasa,

Bacaan Lainnya

Seulaweuet Saleuem keu Muhammadan

Pang Ulee Alam Rasul Mulia.

 

Deungon Rahmat Po sidroe Ya Tuhan

Trôh thôn hai rakan Nanggroe merdeka,

Ka taulang thôn dusôn ngon peukan

kemerdekaan Naggroe Indonesia.

 

2019 jeulah hai Rakan

Thôn nyoe rayakan uroe Merdeka,

Sebagoe tanyoe cuco pahlawan

Ingat perjuangan Éndatu Maka.

 

Ingat sejarah penjajah saboh Jan

Dumna pahlawan pejuang dumna

Rela geumaté reulé meutimphan,

Lét penjajahan kafé ubéna,

 

Dum rakyat Nanggroe jeut sagoe yôh nyan

Lam kesatuan reubôt merdeka,

Rakyat bersatu timu selatan

Lam perjuangan maté geuh rela,

 

Lethat syuhada nibak masa nyan

Geuwoe bak Tuhan bak bela bangsa,

Demi keunanggroe bah rugoe badan

Geutém korbankan harta n masa lalugon benda,

 

Semangat rakyat tekat peprangan

Hana yo badan gli dengon geunta,

Hana teumakôt geusurôt pih h’an

Deungon pahlawan syahit geurela,

 

Ngon niet nyang suci usé jajahan

Kon na imbalan harap keuharta,

Fisabilillah sah perjuangan

Geubi lé Tuhan Nanggroe Merdeka,

 

Thôn Peut plôh limöng inöng Ngon Agam,

Nibak masa nyan Nanggroe merdeka,

Dari Maroeké sampé Usang

Bak Ujông tiyang peuék bendera,

 

Tgl Tujôh Blah Bak Buleuen Lapan,

Neubi lé Tuhan Nanggroe Merdeka,

Berkat syuhada para pahlawan

Dusôn ngon peukan Nanggroe merdeka.

 

Ka tujôh plôh Peut thôn kawôm lon tuan,

Taperingatkan lé tanyoe dumna,

Rata jeut sagoe tanyoe hai Rakan

Sambôt thôn ulang Nanggroe merdeka,

 

Tanyoe ta pasoe manggrou Kemerdekaan

Ngon pembangunan jeut bideueng beuna,

Dan tameudô’a sigra bak Tuhan

Kepada pahlawan tempat syiruga.

 

Tasambôt Uroe nyoe Kemerdekaan

Bèk na hai rakan ngon huru hara,

Dengon semangat ingat perjuangan

Jasa pahlawan taingat beuna,

 

Harapan tanyoe jinoe hai Rakan

Nanggroe beuaman makmu sejahtera,

Adé jeut sagoe tanyoe beu tentram,

Uroe ngon malam lindông Rabbana,

Pos terkait